აშშ-ს პრეზიდენტმა ბარაკ ობამამ ხელი მოაწერა კანონპროექტს, რომელიც რუსეთის წინააღმდეგ ახალ სანქციეს ითვლისწინებს, , თუმცა როგორც თეთრ სახლში აცხადებენ ობამას ჯერ არ გადაუწყვეტია, აამოქმედოს თუ არა კანონპროექტით გათვალისწინებული დებულებები.

„აშშ-ს ადმინისტრაცია ევროპელ პარტნიორებთან და მოკავშირეებთან ერთად აგრძელებს თვალ-ყურის დევნებას უკრაინაში მიმდინარე სიტუაციაზე და თუ აუცილებელი გახდება რუსეთის ქმედებებზე მოხდება დამატებითი რეაგირება ახალი შეზღუდვების შემოღებით.“ აცხადებს ობამა.

აშშ-ს პრეზიდენტის თქმით თეთრი სახლი მზად არის გააუქმოს ადრე შემოღებული სანცქიები, თუმცა ამისთვის საჭიროა, მოსკოვმა შესაბამისი ნაბიჯები გადაგას.

კანონპროექტის ხელმოწერით ობამას უფლება ეძლევა სანქციები დაუწესოს იმ რუსულ კომპანიებს, რომლებიც დაკავშრებული არიან სამხედრო წარმოებასთან. სანქციები შესაძლოა შემოღებულ იქნას „როს ობორონ ექსპორტის“ წინააღმდეგ. ასევე სამხედრო შეიარაღების მწარმოებელ, გამყიდველ და გადამზიდავ კომპანიებზე, რომლებსაც იარაღი შეაქვთ სირიის, უკრაინის, რუსეთის და მოლდოვის ტერიტორიებზე ამ სახელმწიფოთა ხელისუფლების ნებართვის გარეშე. სანქციები შესაძლოა დაუწესდეს იმ კომპანიებს, რომლებიც ინვესტიციას ახორციელებენ რუსეთის ტერიტორიაზე ნავთობმოპოვებაში და ასევე იმ კომპანიებს, რომლებიც კაპიტალს დებენ არქტიკაზე ნავთობის მოპოვებაში. კანონპროექტის მიხედვით პრეზიდენტ ობამამ შესაძლოა საკუთარი შეხედულებით აუკრძალოს სახელმწიფო შესყიდვები და საქონლის მიწოდება და მომსახურება იმ პირებს, რომლებიც სანქციების ქვეშ მოხვდნენ, ასევე აკრძალოს ოპერაციები უძრავ ქონებაზე, რომლებიც აშშ-ს იურისდიქციის ქვეშ არიან. შეზღუდოს იმ პირთა საბანკო ოპერაციები და ფინანსური მიმოქცევები, მათ შორის აქციის შეძენები ვინც სანქციის ქვეშ მოხვდა. თუ სანქცია შეეხო ფიზიკურ პირს ის აშშ-ს ტერიტორიიდან გაძევებული იქნება და მისი ვიზა ანულირდება.

თუ პრეზიდენტი ობამა დაასკვნის, რომ გაზპრომი ნატოს ქვეყნებს, უკრაინას, საქართველოს და მოლდოვას გაზის მიწოდებას ხელოვნურად უმცირებს კომპანიის მიმართ 45 დღის განმავლობაში შესაძლოა სანქცია იქნეს შემოღებული. ობამას ასევე უფლება ეძლევა სანქცია შემოიღოს იმ საერთაშორისო ფინანსური დაწესებულებების წინააღმდეგ, რომლებიც მნიშვნელოვან ოპერაციებს ახორციელებენ იმ კლიენტებთან, რომლებიც სანქციის ქვეშ მოხვდნენ.

საფრთხე ემუქრებათ იმ ფინანსურ ორგანიზაციებს, რომლებიც ახალი კანონის გამოქვეყნებიდან 180 დღის შემდეგ რუსული იურიდიული და ფიზიკური პირებისთვის, რომლებიც სანქცირებულთა სიაში არიან მოხვედრილები, ფინანსურ ოპერაციებს განახორციელებენ. ყველა ეს ღონისძიება კანონის მიხედვით აუცილებელ შესრულებას არ ითვალისწინებს