ავსტრალიის ჩრდილოეთით , ქალაქ კერნსში პოლიციას გამოძახების ადგილზე 8 გარდაცვლილი ბავშვი აღმოაჩინა, ბავშვების ასაკი 18 თვიდან 15 წლამდეა. სახლში ასევე აღმოჩენილი იქნა დაჭრილი ქალიც, რომელსაც ჭრილობა მკერდში დანით ქონდა მიყენებული.

პოლიციამ მომხდარს ტრაგიკული ინციდენტი უწოდა , თუმცა განაცხადა რომ საზოგადოებრივ უსაფრთხოებას საფრთხე არ ემუქრება.

დეტექტივმა ბრუნო ასნიკარმა, ვერ შეძლო ჟურნალისტებისთვის ეპასუხა, არიან თუ არა ბავშვები ერთი ოჯახის წევრები.

თუმცა მეზობელი ქალი, რომელიც აცხადებს რომ დაჭრილი ქალის ბიძაშვილია, ამბობს რომ ბავშვები და-ძმანი იყვნენ. მისი თქმით დაღუპული ბავშვები პირველი მათმა 20 წლის ძმამ აღმოაჩინა და მაშინვე პოლიციას გამოუძახა.