„ჩაწყობილი თამაშების“ საქმეზე ბრალდებულ მსაჯებთან პროკურატურამ საპროცესო შეთანხმება გააფორმა. პროკურორ ზვიად ფხაკაძის თქმით, ბრალდებისა და დაცვის მხარეს შორის მიღწეული შეთანხმება არაერთგვაროვანია.

პროკურორის განმარტებით, ბრალდებულებს, რომელთა წინააღმდეგ ბრალი ერთი ეპიზოდით არის აღძრული, 9-თვიანი პატიმრობა, 3-წლიანი პირობითი მსჯავრი და 3 ათას ლარიანი ჯარიმა განესაზღვრათ. ხოლო ორი პირის მიმართ, ვისაც ბრალი მხოლოდ ერთი ეპიზოდით არ აქვთ წარდგენილი, შეთანხმების პირობები უფრო მკაცრია, კერძოდ, პროკურორის განმარტებით, ბრალდებულ ოთარ ხეთაძის შემთხვევაში ჯარიმის ოდენობად განისაზღვრა 15 ათასი ლარი, ერთწლიანი თავისუფლების აღკვეთა და სამი წლით პირობითი მსჯავრი.

კიდევ ერთი ბრალდებულს, მამუკა ურუშაძეს 10 ათასი ლარი, ერთი წლით თავისუფლების აღკვეთა და სამ წლიანი პირობითი მსჯავრი მიესაჯა. მნიშვნელოვანია ისიც, რომ ყველა ბრალდებულს ორი წლით შეუჩერდა საქმიანობის უფლება.

შეგახსენებთ, რომ 8 მსაჯი 24 სექტემბერს დააკავეს.