რუსეთის სავალუტო შოკი ხელისუფლების პრესტიჟს ურტყამს- BBC

მსოფლიო - 12:30, 17 Dec, 2014

1926

„BBC”-ის რუსული რედაქცია რუსული ვალუტის მკვეთრ ვარდნასთან დაკავშირებით არტიომ კრეჩეტნიკოვის ბლოგს აქვეყნებს. „რუსეთის სავალუტო შოკი ხელისუფლების პრესტიჟს ურტყამს“

ავტორის აზრით რუსეთში ამ დროისთვის ყველაზე მთავრი და მნიშვნელოვანი მოვლენა, რუბლის კურსის დრამატული ვარდნაა.

„საზოგადოებრივ ტრანსპორტში და მოსაწევ ადგილებში შესამჩნევი ხდება, რომ ადამიანები ძირითადად ამ თემას განიხილავენ. უკრაინა მეორე პლანზე გადავიდა: საკუთარი საქმეები გახდა მისახედი. პუბლიკა მკითხაობს, რა იქნება თუ დოლარი და ევრო 100 რუბლს გადააჭარბებს, ელექტრონული ტაბლოები მხოლოდ ორ ნიშნიან რიცხვებზეა გათვლილი.

ავტორი ექსპერტების მოსაზრებები მოყავს და აცხადებს , რომ ყირიმის ანექსიამ პრეზიდენტის იმიჯი გააძლიერა, როგორც ადამიანის , რომელმაც იცის რას აკეთებს და ყველაფერი შეუძლია. პოლიტიკაში ბევრი რამეა დამოკიდებული ნებაზე და გადაწყვეტილებებზე, მაგრამ ეკონომიკაში ობიექტური კანონები მოქმედებს , რომელიც თვით ყველაზე ძლევამოსილ და ამბიციურ ლიდერსაც არ ემორჩილება.

ეკონომისტები ვერ თანხმდებიამ პირველ რიგში რამ გამოიწვია რუბლის ვარდნა, სანქციებმა თუ ნავთობის ფასის ვარდნამ.

ნებისმიერი პასუხი არადამაკმაყოფილებელია.

თუ პრობლემა სანქციებშია, მაშინ რატომ წავიდნენ დასავლეთტან კონფლიქტზე, ისე რომ არ გათვალეს შედეგები.

გაზაფხულზე და ზაფზულში კრემლის ოფიციალური პირები ირწმუნებოდნენ რომ სანქციები მხოლოდ საზღვარგარეთ დასვენებას და ელიტური ყველის შეძენაში შეუშლიდა ქვეყნის მდიდარ ნაწილს ხელს. რუსეთი მყარად იდგება, ეს ევროპა ვერ გაძლებს რუსული ბაზრის და გაზის გარეშე. ახლა კი გაირკვა რომ საზოგადოება შეცდომაში შეიყვანეს,

თუ საქმე ნავთობის ფასშია, რატომ იყო ეკონომიკური სიტემა მხოლოდ ფასის მუდმივად ზრდის ფილოსოფიაზე აწყობილი? ეს კონცეფცია ყველას თვალწინ კრახს განიცდის.

ექსპერტების აზრით მოვლენების განვითარების სამი ვარიანტი არსებობს, პირველი ვარიანტის მიხედვით პუტინი ყველა უბედურებაში დასავლეთს დაადანაშაულებს და მოსახლეობას პატრიოტული მოთმინებისკენ მოუწოდებს.

მეორე ვარიანტი პირველთან კავშირშია , მაგრამ გაცილებით რადიკალურია , ის მოახდენს ეკონომიკის მობილიზაციას და ფასებზე სახელმწიფო კონტროლს დააწესებს. ამისთვის მას კადრების გაწმენდა და რეპრესიები დაჭირდება, მთლად სტალინის მასშტაბის არა მაგრამ საკმაოდ მძიმე.

მესამე ვარიანტით კრემლი ეკონომიკურ კრიზისს მთავრობის ცვლილებით უპასუხებს.

ექსპერტების თქმით მეორე და მესამე ვარიანტისთვის პუტინი მზად არ არის და კრემლში ჯერჯერობით სიტუაციის თავისთავად მოგვარების იმედი სუფევს.