რუსეთის პრეზიდენტმა ვლადიმერ პუტინმა მეცნიერ-ისტორიკოსებს დაავალა 2017 წლის 1 დეკემბრამდე ფუნდამენტური სამეცნიერო ნაშრომი მოამზადონ ყირიმის ისტორიის შესახებ. მეცნიერებს რუსეთის პრემიერი, დიმიტრი მედვედევი უხელმძღვანელებს.

აღნიშნული დავალება პუტინმა ჯერ კიდევ ნოემბერში გასცა, ხოლო 16 დეკემბერს ეს დავალება დადგენილების სახით კრემლის ოფიციალურ ვებგვერდზე გამოჩნდა.

პუტინი აცხადებს, რომ ყირიმს რუსეთისთვის საკრალური მნიშვნელობა აქვს, რადგან აქ მიიღო ქრისტიანობა თავადმა ვლადიმერმა, რომელმაც შემდეგ მთელ რუსეთს მიაღებინა ქრისტიანობა.

ბუნებრივია, რომ პუტინი არსად არ ახენებს იმ ისტორიულ ფაქტს, რომ ვლადიმირი კიევის მთავარი იყო.

საინტერესოა, იქნება თუ არა რაიმე არსებითი განსხვავება ყირიმის არსებულ და ახლადდაწერილ ისტორიას შორის.