აქციის მონაწილეებმა ვაკე-საბურთალოს პოლიციას სიმბოლურად ჯაზმენ ბექა გოჩიაშვილის მუსიკალური დისკი გადასცეს.

აქციის მონაწილეებს მიტანილი ჰქონდათ პლაკატები,  წარწერით: ,,შეწყვიტეთ უკანონო მეთოდებით დაკითხვა’’, ,,ჯაზი საშიში არ არის’’.

მათ შორის იყო პლაკატი ბექა გოჩიაშვილის სიტყვებით: ,,ყველას უღრმესი მადლობა მხარდაჭერისთვის, მომხდარით გაოგნებული ვარ, ძალიან მწყინს, რომ ჩემს ქვეყანაში ასე მომექცნენ’’.

აქციის მონაწილეთა შორის იყო თეა თუთბერიძე, მისი განცხადებით ირაკლი ღარიბაშვილი პასუხისმგებლობის თავიდან აცილებას ცდილობს,

,,რამდენიც არ უნდა თქვას შს მინისტრმა ირაკლი ღარიბაშვილმა, რომ შეისწავლის ამ ფაქტს, ის ცდილობს პასუხისმგებლობის აცილებას. საგანგაშო ტენდენციაა ქვეყანაში და თუ ზეწოლა განხორციელდა 16 წლის ახალგაზრდაზე, არ არის გამორიცხული, ზეწოლა ხვალ უკვე სხვა პირებზე განხორციელდეს.

თუთბერიძის განცხადებით, არა მხოლოდ ჯაზმენზე ზეწოლის უშუალო განმახორციელებლების, არამედ თავად მინისტრ ირაკლი ღარიბაშვილის პოლიტიკური პასუხისმგებლობის საკითხიც უნდა დადგეს.