ბელარუსის პრეზიდენტმა ქვეყნის მთავრობას საექსპორტო პროდუქციისთვის ახალი ბაზრების მოძიების მითითება მისცა და მოუწოდა, რომ რუსეთის ბაზარი ბელარუსული პროდუქციის მთავარ შემსყიდველად აღარ ჩათვალონ.

„კმარა მუდმივად რუსული ბაზრისთვის ლოცვა, მიუხედავად იმისა რომ რუსეთი ჩვენი მოძმე ქვეყანაა. ხედავთ, მათი ბაზარი ჩამოიშალა და ჩვენც თან მივყვებით. ჩვენ 85% ვყიდდით ამ ბაზარზედა ახლა 40-45%ია“- აღნიშნა ლუკაშენკომ.

სახელმწიფო მეთაურის განცხადებით , სიტუაცია დაამძიმა უკრაინის კონფლიქტმაც, რომელიც ასევე ბელარუსის ერთ-ერთ მტავარ სავაჭრო პარტნიორად ითვლება.

„ხედავთ როგორ ჩაიძირა ჩვენი მთავარი ბაზარი- რუსეთი, ხედვთ რა ხდება უკრაინაში?- ჩვენს ერთ-ერთ მთავარ ბაზარზე ომია, მათ ჩვენი ტრაქტორების, „მაზების“ და „ბელაზების“ შესაძენად არ სცალიათ.“- განაცხადა ბელარუსის პრეზიდენტმა.

ლუკაშენკომ მინისტრებს რამდენიმე კვირა მისცა ახალი ბაზრების მოსაძიებლად, წინააღმდეგ შემთხვევაში ლუკაშენკოს თქმით ქვეყანას დევალვაცია, მრეწველობის შემცირება, დეფოლტი და უმუშევრობა ემუქრება.