ჩოგბურთელი მარტინა ნავრატილოვა და „მის სსრკ 90“ დაქორწინდნენ

ეს საინტერესოა - 12:58, 16 Dec, 2014

4439

ცნობილი ჩოგბურთელი მარტინა ნავრატილოვა ნიუ-იორკში ოფიციალურად დაქორწინდა , მისი რჩეული ნავრატილოვას დიდი ხნის პარტნიორი რუსი იულია ლემიგოვაა.

ლემიგოვა 1990 წელს „მის სსრკ“-ს ტიტულის მფლობელი გახდა, 90--იანი წლებიდან ის პარიზში ცხოვრობს და კოსმეტიკური საშუალებების ბიზნესშია ჩართული.

ნავრატილოვა, რომელსაც ცოტა ხნის წინ 58 წელი შეუსრულდა, ჩეხოსლოვაკიაში დაიბადა, 1981 წელს კი აშშ-ს მოქალაქეობა მიიღო, კარიერის განმავლობაში ნავრატილოვამ 167 საჩოგბურთო ტიტული მოიპოვა, ეს აბსოლუტური რეკორდია, როგორც ქალთა ასევე მამაკაცთა შორის.

ნავრატილოვამ 42 წლის ლემიგოვას დაქორწინება სექტემბერში აშშ-ს ღია საჩოგბურთო ჩემპიონატის დროს შესთავაზა, თავისი ნაბიჯი კი იმით ახსნა , რომ ის თავის გადაწყვეტილებაში მტკიცედ არის დარწმუნებული და უნდოდა, რომ ამ მოვლენის მოწმე მილიონობით ადამიანი გამხდარიყო.

სოჭს ოლიმპიადის დაწყებამდე, ორი თვით ადრე ნავრატილოვამ საერთაშორისო ოლიმპიური კომიტეტი სექსუალური უმცირესობების პრობლემების იგნორირებაში დაადანაშაულა. მისი თქმით ოლიმპიური კომიტეტი ამ პრობლემასთან დაკავშირებით სირაქლემასავით იქცევა, „თავი ქვიშაში აქვს ჩარგული და სიმშვიდეს არ ირღვევს“

თავის დროზე ნავრატილოვას კრიტიკის საგანი ფიფას გადაწყვეტილებაც გახდა, 2022 წლის მსოფლიო ჩემპიონატის ყატარში ჩატარებასთან დაკავშირებით, სადაც ჰომოსექსუალებზე სისხლის სამართლებრივ დევნა ხორციელდება.