სამტრედიის რაიონის სოფელ მელაურის საჯარო სკოლაში უცხო მამაკაცი შეიჭრა და მასწავლებლის გაძარცვა სცადა.

ამის შესახებ „ფეისბუქის“ პირად გვერდზე შინაგან საქმეთა სამინისტროს პრესსამსახურის უფროსი ნინო გიორგობიანი წერს.

შსს უარყოფს ინფორმაციას, რომ მამაკაცმა პედაგოგი დაჭრა.

„სამტრედიის რაიონის სოფელ მელაურში, სკოლაში შევიდა უცხო პირი და მასწავლებელს ოქროს ბეჭედი მოსთხოვა, მან ვერ მოახერა ბეჭდის წართმევა და გაიქცა, გავრცელებული ინფორმაცია, რომ აღნიშნულმა პირმა პედაგოგი დაჭრა ან ფიზიკური შეურაცხყოფა მიაყენა სიმართლეს არ შეესაბამება. საქმე აღძრულია ყაჩაღობის მუხლით“, - წერს გიორგობიანი.