კალიფორნიის შტატის სამხრეთ რეგიონებს შტორმი, წყალდიდობა და მეწყერი ერთდროულად დაატყდა თავს. გარდაცვლილია ერთი ადამიანი, ორი კი მაშველებმა გადაარჩინეს.

უამინდობის შედეგად ყველაზე მეტად ლოს-ანჯელესის გარეუბნები დაზარალდა, სადაც მეწყერმა ქვეშ 20–მდე საცხოვრებელი სახლი მოიყოლა. ამ დროისთვის 100–მდე ოჯახი ევაკუირებულია. სტიქიამ ტრანსპორტის მოძრაობაც შეაფერხა, დაზიანდა ელექტროგადამცემი ხაზებიც, რის გამოც 200 ათასამდე ადამიანი ელექტროენერგიის გარეშე დარჩა.