ცნობილი ასტროლოგი პაველ გლობო 2015 წლისთვის არცთუ სახარბიელო პროგნოზს აკეთებს. ასტროლოგის ვარაუდით, 2015 წელს არაფერს კარგს არ უნდა ველოდოთ, ამ წელს მსოფლიო სერიოზული გლობალური პოლიტიკური და ბუნებრივი კატაკლიზმების წინაშე აღმოჩნდება.

2015 წელს მსოფლიოში ისევ გაიზრდება ეკონომიკური სიდუხჭირე და უმუშევრობა. ასტროლოგის ვარაუდით, ამ წელს მოსალოდნელია გლობალური ეკონომიკური კრიზისის ახალი რაუნდი, რომელიც კიდევ უფრო მძიმე იქნება, ვიდრე წინა, 2008 წლის კრიზისი. ბევრი ქვეყნები უარს იტყვის ევროკავშირზე, რაც მისი დაშლის წინაპირობა იქნება. გერმანია, ბრიტანეთი და საფრანგეთი პირველები იქნებიან, რომლებიც პირველ განაცხადს გააკეთებენ კავშირიდან გასვლის შესახებ.

კრიზისი შეეხება ნაკლებად განვითარებულ ქვეყნებსაც, საყოველთაო უმუშევრობისა და სამოქალაქო მღელვარების შედეგად, ახლო აღმოსავლეთში რამდენიმე მმართველს ჩამოაცილებენ ხელისუფლებას და გაასამართლებენ.

სირთულეები ექნება რუსეთს, რომელსაც ენერგორესურსების გასაღების ბაზარი შეეზღუდება, თუმცა გლობოს ვარაუდით, რუსეთი მოახერხებს „კომუნისტური წარსულიდან“ თავის დაღწევას. ამ წელს რუსეთი მედიცინაში გარღვევას მოახდენს და ახალი აღმოჩენით განუკურნებელი დაავადების დამარცხებას შეძლებენ.

განსხვავებული გეოპოლიტიკური შეხედულებების გამო, რუსეთისა და ამერიკის შეერთებული შტატების ურთიერთობა ცივი ომის ეტაპზე გადადის.

კონფლიქტებია მოსალოდნელი ყოფილი საბჭოთა კავშირის რესპუბლიკებში, შესაძლოა, ეს მოლდოვა იყოს, დაიძაბება ურთიერთობა ირანსა და თურქეთს შორის, არ არის გამორიცხული სამხედრო მოქმედებებსაც ჰქონდეს ადგილი.

რაც შეეხება ამერიკას, მის რეპუტაციას მნიშვნელოვანი დარტყმა ელის, ის დაკარგავს დანარჩენ მსოფლიოზე გავლენას.

2015 წელს ძლიერი წვიმები ევროპას სერიოზულ პრობლემებს შეუქმნის. წყლით დაიტბორება ტერიტორიები და უამრავი ადამიანი დაზარალდება. რუსეთის ტაიგაში ხანძრები იმძლავრებს, ამერიკას ტორნადოების სერია დაატყდება თავს და სერიოზულ ზიანს მიაყენებს სახელმწიფოს, იქნება მნიშვნელოვანი მსხვერპლი. აფრიკის კონტინენტზე შიმშილობა დაიწყება.

წყარო:http://geonews.ge/