შინაგან საქმეთა მინისტრის ახლადდანიშნული მოადგილის არჩილ თალაკვაძის თქმით, შსს-ში ყოფნის პერიოდში ის ადამიანების და მათი ინტერესების დაცვას მოემსახურება.

კონკრეტულ გეგმებზე საუბრისგან თალაკვაძე თავს იკავებს.

"იმ ნაბიჯებზე, რომლის გადადგმასაც ვგეგმავ, ალბათ ჯერ საუბარი ნაადრევია. მოგეხსენებათ, აქამდეც რთულ სისტემაში ვმუშაობდი და ეს არის საკმაოდ დიდი გამოწვევა. რთული მისიაა, თუმცა შესაძლებელი. ვეცდები, შინაგან საქმეთა სამინისტროშიც ვემსახურო ადამიანებს, მათ ინტერესებს და ქვეყანას გონივრულად და პატიოსნად", - განაცხადა თალაკვაძემ.

მინისტრის ახალი მოადგილე დარწმუნებულია, რომ საკადრო ცვლილებები საქმის ეფექტურად კეთებას ემხაურება.

„ასი პროცენტით დარწმუნებული ვარ, რომ ეს გადაადგილება უკავშირდება მხოლოდ საქმის კეთებას და ვეცდები საქმე ეფექტურად გავაკეთო", - განაცხადა არჩილ თალაკვაძემ.