საფრანგეთის პრესა 21 ქართველის დაკავების შესახებ ინფორმაციას აქვეყნებს

სამართალი - 10:50, 15 Jan, 2013

703

ჟურნალისტები ჟანდარმერიაზე დაყრდნობით აცხადებენ, რომ ქართველები ევროპაში რუსულ მაფიასთან კავშირში იმყოფებიან.

დანაშაულებრივ ჯგუფს ბრალად ედება ასობით საბანკო ბარათის მოპარვა, რომლის საშუალებითაც ანგარიშებს ტეხდნენ. საქართველოს საელჩოს საფრანგეთში სპეცოპერაციისა და ქართველების დაკავების შესახებ ოფოციალური ინფორმაცია ჯერ არ მიუღია, თუმცა როგორც სხვადასხვა წყაროდებიდან გახდა ცნობილი, დაკავებულებს ნამდვილად აქვთ ქართული გვარები, მაგრამ უმეტესი მათგანი საქართველოს მოქალქე არ არის.

საქართველოს ელჩის მოვალეობის შემსრულებლის გოჩა ჯავახიშვილის განცხადებით, ოფიციალური ინფორმაცია მიწოდებული არ არის, მათ შორის არც ოჯახის წევრები დაკავშირებულან საელჩოს,

,,ჩვენ ვცდილობთ, რომ ამ საქმესთან დაკავშირებით მოვიძიოთ ინფორმაცია, არც ოფიციალური სტრუქტურებიდან, არც დაკავებულთა ოჯახის წევრები არ დაგვკავშირებიან, თუმცა ჩვენ ყოველი ასეთი ფაქტისას რეაგირებას ვახდენთ, ვუკავშირდებით რეგიონის სამართლდამცავებს და ვცდილობთ, ვითანამშრომლოთ და თუ ეს შესაძლებელია დავეხმაროთ ჩვენს თანამოქალაქეებს’’-განაცხადა სატელეფონო საუბრისას ელჩის მოვალეობის შემსრულებელმა გოჩა ჯავახიშვილმა.