ბელარუსმა რუსეთის საზღვარზე საბაჟო-გამშვები პუნქტების მოქმედება აღადგინა, პუნქტების მუშაობა 2011 წელს შეწყდა, როდესაც ბელარუსი, რუსეთი და ყაზახეთი საბაჟო კავშირის შექმნაზე შეთანხმდნენ.

30 ნოემბერს რუსეთმა თავისი ტერიტორიის გავლით, მისი საგუშაგოების შემოწმების გარეშე ბელორუსიდან ყაზახეთში საკვები პროდუქტების ტრანზიტი აკრძალა. ამასთანავე შეზღუდვები შემოიღეს რუსეთში ბელორუსული ხორცპროდუქტების შეტანასთან დაკავშირებითაც, მიზეზად კი პროდუქტში ბექტერიების და ვირუსების არსებობა დასახელდა.

ამ აკრძალვებს, რომელიც თავისი არსით საბაჟო კავშირის პრინციპებს ეწინააღმდეგება, მინსკში დიდი სიხარულით არ შეხვედრიან. ქვეყნის პრეზიდენტმა მკაცრი ფორმით უარყო პროდუქციასთან დაკავშირებული ბრალდებები.

უკვე 9 დეკემბერს კი ბელარუსმა რუსეთის საზღვარზე საბაჟო კონტროლი აღადგინა, ეს ინფორმაცია ჟურნალისტებს ბელარუსის სახელმწიფო საბაჟო კომიტეტში და რუსეთის საბაჟო ფედერალურ სამსახურშიც დაუდასტურეს.

როგორც ჩანს პუტინის „სსრკ №2“ -ს დიდხანს სიცოცხლე არ უწერია.

მომზადებულია turkist.org-ის მიხედვით.