მისი მეგობრის ბინის ქურდობის ფაქტზე მოწმის სტატუსით დაიბარეს და 6 საათის განმავლობაში კითხავდნენ. ბექა გოჩიაშვილი აცხადებს, რომ პოლიციელები მას ანგარიშსწორებით ემუქრებოდნენ. 16 წლის მუსიკოსი ახლა აშშ-ში იმყოფება. მისი თქმით, პოლიცია მასზე ფსიქოლოგიურ ზეწოლას ახორციელებდა. ,,6 საათი ვიკითხებოდი არაადეკვატური დაკითხვის მეთოდით.ძალიან რთული იყო ცემთვის და ჩემი ძმებისთვის. კანონის ფარგლებს გარეთ მოხდა დაკითხვა, მემუქრებოდნენ, რომ ამერიკაში არ გამიშვებდნენ, საზღვარზე პრობლემებს შემიქნიდნენ. გაოგნებული ვარ, რომ ასე მომექცნენ ჩემს ქვეყანაში. ჩემს ცხოვრებაში ეს იყო ყველაზე დიდი ტკივილი. იქ ვერაფერს ვერ დაამტკიცებ, ცამდე მართალიც რომ იყო.ყველანაირი ხერხი აქვთ იმისთვის, რომ ჩაგჭრან. ვუთხარი,რომ სიამოვნებით ვითანამშრომლებდი ამ საქმეზე მათთან, რომ გამოეძიებინათ ეს საქმე. ჩემგან განსხვავებით, ჩემს ძმას დასცინოდნენ. ის იყო 3 საათი დაკითხვაზე. სიტყვიერი შეურაცხყოფა მიაყენეს. ჩემზე დიდ სტრესში იყო, როცა იქიდან გამოვიდა. ვერ ვიცანი, ისეთი სახე ჰქონდა"_ ამბობს გოჩიაშვილი.

ვაკე-საბურთალოს პოლიციაში დაკითხვის ფაქტს ადასტურებენ, მაგრამ გოჩიაშვილებზე განხორციელებულ ზეწოლას კატეგორიულად უარყოფენ.