რა მანძილს გაივლიდით გემრიელი სადილისთვის?

კულინარია - 21:35, 08 Dec, 2014

6559

მსოფლიოში ბევრი ცნობილი რესტორანია, გამორჩეული კერძებით, მაგრამ არის რამოდენიმე მათგანი, სადაც სადილის მისართმევად ზოგიერთი გურმანი საკმაოდ დიდ მანძილს გადის.

გთავაზობთ BBC-ს გამოკვლევას, თუ რა მანძილს ფარავენ ჩვეულებრივი მოქალაქეები გემრიელი სადილისათვის.

1. El Bulli, ბარსელონა, ესპანეთი. ეს რესტორანი ერთ დროს მსოფლიოში საუკეთესოდ ითვლებოდა. სეზონზე, მის 8000 კერძზე 1 მილიონი შეკვეთა იყო. ამჟამად იგი დაკეტილია, თუმცა მისი გახსნა მალე იგეგმება. BBC-ს ერთერთმა რესპოდენტმა 6400 კილომეტრი დაფარა ტორონტოდან ბარსელონამდე, წინასწარ შეკვეთის მიუხედავად, 5 დღე რესტორანში მოხვედრის მსურველთა რიგში გაატარა, ისადილა და უკან გამოფრინდა.

2. Taillevent, პარიზი, საფრანგეთი. პარიზი არამარტო მოდის დედაქალაქია, აქ გემრიელი სადილის მირთმევაც შეგიძლიათ. ეს რესტორანი არამარტო უგემრიელესი კერძებით, არამედ მყუდრო გარემოთი და შესანიშნავი მომსახურებით იზიდავს ადამიანებს, აქ სადილისთვის ორეგონის შტატის მოქალაქემ 5,726 მილი დაფარა და კვლავაც სურს ამგვარი მოგზაურობის განმეორება.

3. Char Hung Sut, ჰონოლულუ, ჰავაის კუნძულები. ჰავაის კუნძულების იმთავითვე განთქმულია ეგზოტიკური საკვებით. მსოფლიოში ერთერთი ცნობილი რესტორანი Char Hung Sut გახლავთ, ხოლო ლოს ანჟელესის მკვიდრმა სპეციალურად 2,558 მილი დაფარა, რათა აქ ესადილა.

4. Three Ways House Hotel, გლოჩესტერი, ინგლისი. ეს პაბ-რესტორანი ცნობილია თავისი უგემრიელესი პუდინგებით. პუდინგის მისართმევად ერთმა პიროვნებამ ციურიხიდან 1172 კილომეტრი მანძილი დაფარა, რომ ამ წმინდა ინგლისური კერძის მისართმევად.

5. Scotty’s Broasted Chicken and Ribs, არიზონა, აშშ. გიყვართ ქათმის ხორცი, ნეკნები - აუცილებლად წაბრძანდით ამ რესტორანში და თქვენ უგემრიელესი, გემოვნებით მომზადებული ნაზი ხორცის კერძებს იგემებთ. ასე ბევრი ამერიკელი იქცევა და საკმაოდ დიდ მანძილს - 660 კილომეტრს გადის, რათა აქ ისადილოს.