მუსიკისა და დრამის თეატრის მსახიობმა კახა კინწურაშვილმა მუსიკალური პროექტი ”ერთი ერთში” დატოვა. შოუ, რომელიც ტელეკომპანია ჯიდიესის ეთერში ყოველ ოთხშაბათს გადის, ერთი წამყვანის ამარა დარჩა.

მუსიკალური შოუ უკვე მესამე სეზონს ატარებს და ორი სეზონია, მისი უცვლელი წამყვანები კახა კინწურაშვილი და რუსკა მაყაშვილი არიან. მომავალ ოთხშაბათს პროექტის წაყვანა რუსკას მარტო მოუწევს, რადგან კახამ შოუ დატოვა.

ამის მიზეზი მუსიკისა და დრამის თეატრის ჩინეთის დედაქალაქ პეკინში დაგაგმილი გასტროლებია, 9-17 დეკემბერს პეკინში მეექვსე საერთაშორისო თეატრალური ოლიმპიადა ტარდება. კახა კინწურაშვილი მუსიკისა და დრამის თეატრის დასთან ერთად დავით დოიაშვილის მიერ დადგმულ ”მაკბეტში” ითამაშებს.

გაზეთი ”ახალი თაობა”