რუსეთის სახელმწიფო სათათბიროს საგარეო ურთიერთობათა კომიტეტის თავმჯდომარე, ალექსეი პუშკოვის თქმით, აშშ-სა და რუსეთს შორის მორიგ „ცივ ომზე“ საუბარი უკვე შესაძლებელია.

„მე მგონია, რომ ჩვენ უკვე შეგვიძლია ვილაპარაკოთ მორიგ „ცივ ომზე“- განაცხადა მან საპარლამენტო მოსმენების დროს, რომელიც თემას „რუსეთი- აშშ: დროებითი გაუარესება თუ ახალი ცივი ომი?“ ეძღვნებოდა.

„გარდა ამისა, არსებული სიტუაციის სახასიათო შტრიხია მაღალი ემოციური ინტენსივობა, რომელიც ჩემი აზრით ამ ეტაპზე უფრო მაღალია, ვიდრე ცივი ომის წლებში.“ - აღნიშნა ალექსეი პუშკოვმა.

სახელმწიფო დუმის კომიტეტის ხელმძღვანელის თქმით, ამჟამად დავა იმ საკითხზე მიდის, რა მდგომარეობაში აღმოჩნდა რუსეთ-ამერიკის ურთიერთობა, არის ეს ცივი ომი, თუ რაღაც სხვა.

„ბევრი ცდილობს გაექცეს ტერმინს "ცივი ომი", რომ წინასწარმეტყველებასავით არ აუხდეთ, რადგან ცოტაა ისეთი ადამიანი ვისაც ხანგრძლივ კონფრონტაციაში ჩართვა აინტერესებს, მაგრამ ის რომ რაც ხდება ძალიან გავს ცივ ომს, ეს ფაქტია“ - განაცხადა მან

"სახეზეა პრაქტიკულად ყველა მოლაპარაკების და კონტაქტის შეწყვეტა რუსეთთან"- აღნიშნა პუშკოვმა და დაამატა, რომ კონტაქტი მხოლოდ გაფართოებულ ფორმატებშია შენარჩუნებული, როგორიცაა ირანის და შეიარაღების კონტროლის საკითხი.

პარლამენტარის თქმით,“ობამას ადმინისტრაციამ რუსეთის შეკავების და იზოლაციის პოლიტიკის განაცხადი გააკეთა, რაც ასევე დამახასიათებელია ცივი ომისთვის, თუმცა ამჟამინდელი იზოლაცია განსაკუთრებული ხისტი მეთოდებით მიმდინარეობს, ხორციელდება ზეწოლა მოკავშირე, ამერიკის პარტნიორ ქვეყნებზე და კიდევ სხვა ქვეყნების მიმართაც“

ამასთანავე „მკვეთრად შემცირდა კომუნიკაციის სფეროც“-აცხადებს პუშკოვი. „პრაქტიკულად არ არის კონტაქტი პრეზიდენტებს შორის, ენა არ მომიბრუნდება კონტაქტი ვუწოდო იმას , რაც პეკინში შეხვედრის დროს ხდებოდა. აშკარა იყო, რომ არ არსებობდა ურთიერთგაგება“ პუშკოვის თქმით შემცირდა კონტაქტი აშშ-ს და რუსეთის საგარეო უწყებების ხელმძღვანელებს შორისაც.

მისივე თქმით, როდესაც ცივი ომის არსებობის უარყოფის დამადასტურებლად ის მოყავთ, რომ ამჟამად არ არსებობს დაპირისპირება სისტემებსა და იდეოლოგიებს შორის, გათვალისწინებული უნდა იქნას ისიც, რომ ამჟამად არსებული კონფლიქტი მხოლოდ გეოპოლიტიკური არ არის.

პუშკოვის აზრით არსებული აშშ-სა და რუსეთის კონფრონტაციას ორი პარამეტრისგან შედგება, „ პირველი ეს არის გეოპოლიტიკური, დაპირისპირება უკრაინის გარშემო და ასევე ნაკლები მასშტაბით მაგრამ დაპირისპირება საქართველოს და მოლდავეთის გამო.“- განაცხადა მან.

„მაგრამ არსებობს მეორე და ძალიან მნიშვნელოვანი პარამეტრი- იდეურ-პოლიტიკური, ჩვენ და აშშ-ს ფუნდამენტალურად განსხვავებული ხედვები გვაქვს მსოფლიო წესრიგთან დაკავშირებით, „ფერად რევოლუციებთან“ დაკავშირებით, გარე ჩარევებთან დაკავშირებით, რომლებსაც ისინი „ჰუმანიტარულს“ უწოდებენ - მიაჩნია პუშკოვს.

"მოსკოვს და ვაშინგტონს განსხვავებული ხედვები აქვთ ამერიკის ლიდერობასთან დაკავშირებით, გარდა ამისა ჩვენ სერიოზული განსხვავებები გვაქვს ე.წ ღირებულებებთან, განსაკუითრებით კი ახალ „ღირებულებებთან“ დაკავშირებით, რომლის ჩვენ თავზე მოხვევას თავად ამერიკელებიც ცდილობენ. საქმე ეხება სექსუალურ უმცირესობების თემასთან დამოკიდებულებას.“- აღნიშნა პარლამენტარმა.

„ თუ აშშ-ში ახლა გრძელდება ლიბერალური რევოლუცია, რუსეთში ის აწყდება კონსერვატიულ კონტრევოლუციას- რუსეთი მოძრაობს ტრადიციულ-კონსერვატიული ღირებულებების მიმართულებით, ხოლო ამერიკა მიემართება ლიბერალური მიმართულებით“- განაცხადა სახელმწიფო დუმის კომიტეტის ხელმძღვანელმა.