ტელეკომპანია „მაესტროს“ გადამღები ჯგუფის წევრებს 2 საათის განმავლობაში კითხავდნენ.

საგამოძიებო უწყებაში ნინი მეტრეველს და ოპერატორთან სერგი ბარამიძეს კითხვები გრიგორი ლეპსის კონცერტამდე მომხდარ ინცინდენტთან დაკავშირებით დაუსვეს.

„კითხვები მოხდართან დაკავშირებით ჰქონდათ. აინტერესებდათ იყო თუ არა ფიზიკური და სიტყვიერი შეურაცხყოფა. რაც მოხდა ყველაფერი მოვუყევი. მითხრეს, რომ აღძრულია უკვკე საქმე და მომავალში თუ საჭირო გახდა დამიბარებდნენ“, - განაცხადა დაკითხვიდან გამოსულმა ნინი მეტრეველმა.

დაკითხვაზე იმყოფებოდა დაცვის ის თანამშრომელიც, რომელიც ჟურნალისტის თქმით, ერთ-ერთი მათგანი იყო, ვინც ჟურნალისტს სპორტის სასახლის დატოვების უფლებას არ აძლევდა და "მაესტროს" გადამღები ჯგუფი, ერთ საათზე მეტი ოთახში ყავდა გამოკეტილი.

დაკითხვის დასრულების შემდეგ დაცვის თანამშრომელს ჟურნალისტებთან კომენტარი არ გაუკეთებია, მან ტერიტორია, საპატრულო პოლიციის მანქანით დატოვა.