პრემიერის 2 დეკემბერს გამოცემული ბრძანებულების „საქართველოს პრემიერ-მინისტრის ზოგიერთი უფლებამოსილების საქართველოს მთავრობის ადმინისტრაციის უფროსის მ. ცქიტიშვილისათვის დელეგირების თაობაზე“ თანახმად მაია ცქიტიშვილს ირაკლი ღარიბაშვილის გარკვეული უფლებამოსილებები გადაეცა.

კერძოდ, მაია ცქიტიშვილს მთავრობის ადმინისტრაციაში საქართველოს მთავრობის ადმინისტრაციის სტრუქტურული ერთეულების ხელმძღვანელობისა და მათი საქმიანობის კოორდინაციის,სამსახურებრივი დოკუმენტაციის ხელმოწერის, საქართველოს მთავრობის რეგლამენტით გასაზღვრული საქართველოს მთავრობის სხდომის მომზადების, სხვა სახელმწიფო ორგანოებთან, საზოგადოებრივ და, კომპეტენციის ფარგლებში, საერთაშორისო ორგანიზაციებთან ურთიერთობაში საქართველოს მთავრობის ადმინისტრაციის სახელით გამოსვლის, საქართველოს მთავრობის ადმინისტრაციის საჯარო მოსამსახურეთა თანამდებობაზე დანიშვნის, გათავისუფლების, წახალისებისა და დისციპლინური სახდელის დადების, აგრეთვე საქართველოს მთავრობის ადმინისტრაციის საჯარო მოსამსახურეთა სამსახურებრივ მივლინებებთან დაკავშირებით სათანადო ბრძანების გამოცემის, „საჯარო სამსახურის შესახებ“ საქართველოს კანონით განსაზღვრული დაწესებულების ხელმძღვანელის სხვა უფლებამოსილებები, საქართველოს მთავრობის ადმინისტრაციის სახელზე წარდგენილ ადმინისტრაციულ საჩივრებთან დაკავშირებით გადაწყვეტილების მიღებისა და საქართველოს მთავრობის ადმინისტრაციის საფინანსო-სამეურნეო საქმიანობის წარმართვისა და აღნიშნულთან დაკავშირებითბრძანების გამოცემის უფლებამოსილებები მიენიჭა.