რუსი ოპოზიციონერი გარი კასპაროვი თვლის, რომ მაიდანი მოსკოვში ნაკლებად შესაძლებელია და თუ ის მაინც მოხდება, ის იქნება ძალიან სასტიკი და სისხლიანი.

„ მე ვფიქრობ, რომ რუსეთსა და უკრაინას შორის პარალელების გავლება უადგილოა, რადგან ამ ორ ქვეყანას შორის ფუნდამენტური სხვაობებია. რუსეთში ხელისფლებას აბსოლუტურ ძალად მიიჩნევენ, უკრაინაში კი ხელისუფლება ხელშეუხებელი არასოდეს ყოფილა, ბევრი შემთხვევა იყო, როდესაც პრეზიდენტებმა დემოკრატიულ არჩევნებში დათმეს ძალაუფლება, კრავჩუკმა წააგო კუჩმასთან, კუჩმამ წააგო იუშენკოსთან“- განაცხადა კასპაროვმა.

გარი კასპაროვმა რუსეთში „მაიდანის“ შესაძლო სცენარზეც ისაუბრა, მისი თქმით მაიდანი უსამართლო ხელისუფლების მიმართ ბრძოლის სიმბოლო გახდა. თუმცა პოლიტიკოსს რუსეთში ამ სცენარის განვითარება ნაკლებ შესაძლებლად მიაჩნია.

„მაიდანი იყო უკრაინელი ხალხის ლოგიკურ რეაქცია უსამართლო ხელისუფლების მოქმედების წინააღმდეგ, იანუკოვიჩი არასოდეს იყო ისეთი გავლენიანი ლიდერი უკრაინელებისტვის, როგორც პუტინი არის რუსებისთვის. რუსეთის ხელისუფლების რეაქცია შესაძლო მაიდანზე იქნება გაცილებით სასტიკი, რადგან პუტინს არასოდეს ეშინოდა სისხლის“- აღნიშნა კასპაროვმა.