სააკაშვილი - პუტინს ეშინია, რომ რუსი ხალხი მას სარდაფიდან ამოათრევს

მსოფლიო - 22:09, 05 Dec, 2014

2790

საქართველოს პრეზიდენტი "უკრაინსკაია პრავდასთან" ინტერვიუში აცხადებს, რომ პუტინი არ შეწყვეტს უკრაინის წინააღმდეგ მოქმედებას და იგი ყველანაირად შეეცდება ქვეყანა ისევ ძველ რელსებზე დააბრუნოს.

"პუტინი, კარგად თუ დავაკვირდებით, ახლა ერთი ერთზე იმეორებს ჰიტლერის თეზისებს, რომელსაც იგი იყენებდა მეორე მსოფლიო ომის წინ. პუტინი ახლა ნახტომისთვის ემზადება და თუ ყველაფერს კარგად დაგეგმავთ, ეს მისთვის ის ნახტომი იქნება, რომელიც მას კისერს მოამტვრევინებს." - აცხადებს მიხეილ სააკაშვილი.
მისი აზრით, პუტინის მთავარი გამარჯვება უკრაინაში რეფორმების ჩავარდნა იქნება. ასე რომ, შესაძლოა მან მთავარ იარაღად "ახალი მეხუთე კოლონა გამოიყენოს.

"იგი შექმნის ახალ მედიარესურსებს, ახალ ფინანსურ ნაკადებს, მოაწყობს პროვოკაციებს, შესაძლოა, ტერაქტებსაც, მან ეს ჩვენთანაც გამნოიყენა. მე ამას ჩემი პირადი გამოცდილებით გეუბნებით," - აცხადებს სააკაშვილი და ხაზს უსვამს იმ ფაქტს, რომ პუტინისათვის მთავარი დარტყმის მიყენება უკრაინაში კორუფციის დამარცხებაა.

პუტინი უკრაინას ვერ დაამარცხებს, თუ თავად უკრაინელები არ მიაყენებენ საკუთარ თავს ზიანს, თვლის საქართველოს ექს-პრეზიდენტი.

"პუტინი ისტერიკაშია, მისი მთავარი მიზანია არ დაუშვას "ფერადი რევოლუციები", "ფერადი რევოლუცია" რუსეთში მას არ წარმოუდგენია ისე, რომ რომელიმე რუსი ოპოზიციონერი ლიდერი მის წინ ვარდს გაიქნევს პარლამენტში. იგი საკუთარ თავს ხედავს "რუბლიოვკაზე", რომელიმე სარდაფში, საიდანაც მას ამოათრევს გააფთრებული რუსი ხალხი ჯოხებით ხელში - ეს კადაფის ბედის გამეორებაა," - აცხადებს საკაშვილი.