ზუგდიდის რაიონულმა სასამართლომ დღეს რუსლან პერტაიას ქურდობის ბრალდებით, 5 წლით თავისუფლების აღკვეთა მიუსაჯა. მოსამართლის გადაწყვეტილება პერტაიას ოჯახმა გააპროტესტა და აქცია გამართა.

საქმე დაახლოებით 6 თვის წინ მომხდარ ფაქტს ეხება. როდესაც სამართალდამცველებმა პერტაია 2 ტომარა თხილის ქურდობისთვის დააკავა. ამ ხნის განმავლობაში პერტაია თავს უდანაშაულოდ აცხადებდა და სიმართლის დამტკიცებას სხვადასხვა გზით ცდილობდა. მან ქუთაისის #2 საპყრობილეში რამდებჯერმე თვითმკვლელობაც სცადა, მუცელი გამოიფატრა, შიმშილობდა 2 თვის განმავლობაში, რის გამოც 29 კილო დაიკლო, ხელები ხეზე დაიჭედა და სასამართლო სხდობემზეც არ ცხადდებოდა.

ბოლო სასამართლო სხდომაზე რუსლან პერტაია პროცესზე სამართალდამცველებმა ინვალიდის ეტლით მიიყვანეს, რა დროოსაც პერტაიამ სკანდალური განცხადება გააკეთა და თქვა რომ, მისით პროკურატურა იყო დაინტერესებული და მას ზუგდიდის დატოვებას სთხოვდნენ, წინააღმდეგ შემთხვევაში კი პატიმრობაში დატოვებით ემუქრებოდნენ.

პერტაიას უდანაშაულობას მისი ოჯახისზევრებიც ამტკიცებდნენ და პროტესტის უკიდურეს ფორმებს მიმართვდნენ.

რუსლან პერტაიას ადვოკატი, ჯიტა გულუას განცხადებით, ის ზუგდიდის რაიონული სასამართლოს განაჩენს არ ეთანხმება და გადაწყვეტილების შემდგომ ინსტანციაში გაასაჩივრებას გეგმავს.