დონეცკელი „კიბორგები“ (ფოტოკოლაჟი)

მსოფლიო - 16:17, 04 Dec, 2014

3980

ყველა ომს აქვს თავისი მითოლოგია, ლეგენდები. ამ მხრივ არც „აეროპორტის“ ბატალიებია გამონაკლისი. მითი მასზე ცარიელ ადგილზე არ დაბადებულა და არც თავად უკრაინელებს მოუგონებიათ.

თითქმის პანიკურ მდგომარეობაში ჩავარდნილმა რუსებმა, ვერანაირი ლოგიკით ამოხსნეს, თუ როგორ იცავენ უკრაინელები უკვე მეხუთე თვეა ნახევრად დანგრეულ შენობებს. ვერაფრით გაიგეს მოჩვენებებივით სად ქრება და საიდან ჩნდება უკრაინული სპეცრაზმი მათ პოზიციებზე. ვერაფრით ვერ მიხვდნენ ვინ და რა ხერხით ანადგურებს მათ საპატრულო პოსტებს, რომლებიც აეროპორტის ტერმინალის შენობიდან საკმაოდ დაშორებულია. და აი ამ ფონზე და კონკრეტულად რუსულ წიაღში დაიბადა ლეგენდა.. ლეგენდა კიბორგებზე.

თითქოსდა მათ წინააღმდეგ უკრაინული მხარე (არ გაგეცინოთ!) რაღაც ხელოვნურად შექმნილ ბიო რობოტებს იყენებს. რუსებს უყვართ მსგავსი ზღაპრები... მათი პრესა და ტელევიზია ბოლო პერიოდის განმავლობაში მხოლოდ მსგავსი და უარესად მკრეხელური მარაზმებით არის დაკავებული. თან „რუსი მეომრის“ დაუძლევლობის იმიჯიც ირღვევა. ამიტომაც რაღაც ფანტასმაგორიულ არსებებზე ყველაფრის გადაბრალება გაცილებით ადვილია.

და როგორც ისტორიაში ხშირად ხდება ხოლმე, თავად უკრაინელებმა აიტაცეს ეს მითი...

და ახლაც როდესაც ვინმე ახსენებს დონეცკის აეროპორტს, პირველი ასოციაცია რომელიც ჩნდება გონებაში, ეს მისი დამცველებია, რომლებიც მტერმა კობორგებად მონათლა.

არა და ესენი უბრალოდ ის უკრაინელი ბიჭები არიან, რომლებმაც გადაწყვიტეს, რომ მტრისთვის „ბაბაია“ აღარასოდეს დაეძახათ...

ხოლო თავიანთ თავს, ისინი უკვე „დონეცკელ კიბორგებს“ უწოდებენ...