უკრაინის ჯანდაცვის მინისტრის რანგში ალექსანდრე კვიტაშვილი უკრაინის მინისტრთა კაბინეტის პირველ სხდომას დაესწრო.

კვიტაშვილის თქმით, მისთვის მთავარი ამოცანა, უკრაინის მოსახლეობისთვის მაღალკვალიფიციური სამედიცინო დახმარების მიწოდებაა.

„15 წელი ჯანდაცვის სფეროში ვმუშაობდი და 1996 წლიდან საქართველოში ამ მიმართულებით განხორციელებული რეფორმები ჩემი მონაწილეობით ჩატარდა. ჩვენთვის მთავარი ამოცანაა, ყველას ჰქონდეს შესაძლებლობა მიიღოს მაღალკვალიფიციური სამედიცინო დახმარება. ბოლო 3 თვის განმვლობაში უკრაინაში, რეფორმებზე ვმუშაობდი, მაგრამ ამ ქვეყნისადმი უფრო დიდი ხნის სიყვარული მაკავშირებს", - განაცხადა ალექსანდრე კვიტაშვილმა.

ალექსანდრე კვიტაშვილი უკრაინის ჯანდაცვის მინისტრად გუშინ დაინიშნა. უკრაინის მინისტრთა კაბინეტში 3 უცხოელი მინისტრია.