აშშ-ს სახელმწიფო მდივნის ჯონ კერის განცხადებით, რუსეთი მინსკის ცეცხლის შეწყვეტის შეთანხმებით ნაკისრ ვალდებულებებს არ ასრულებს.

კერიმ რუსეთი უკრაინაში ტერორისტების ტანკებითა და შეიარაღებით მომარაგებაში დაადანაშაულა და მოსკოვის წინააღმდეგ დაწესებული სანქციებს დადებითი შეაფასება მისცა. აღნიშნული განცხადებები აშშ-ს სახელმწიფო მდივანმა NATO-ს მინისტერიალის ფარგლებში გააკეთა.

„ჩვენ არ გვსურს, ვიყოთ იმ მდგომარეობაში, როდესაც უკანონო ქცევის აღმოფხვრის ერთადერთი არჩევანი ძალადობა ან საბრძოლო მოქმედებებში ჩართვა ან რომელიმე სახელმწიფოს წინააღმდეგ სანქციების დაკისრება იქნება. თუმცა, შეუძლებელია, თვალი ადევნო, როდესაც უფრო მცირე სახელმწიფოს ტერიტორიულ მთლიანობას უფრო დიდი და ძლიერი სახელმწიფო არღვევს. საერთაშორისო კანონმდებლობა მნიშნველოვანია და ამიტომაც მივმართეთ ამ ზომებს. იყო მცდელობა, რომ სხვაგვარადაც გვემოქმედა, თუმცა, მოლაპარაკებებმა და მიღწეულმა შეთანხმებებმა არ გაამართლა. უკრაინას უკვე გავუწიეთ 118 მილიონის დახმარება და მომავალშიც გავაგრძელებთ მის მხარდაჭერას", - განაცხადა ჯონ კერიმ.