სენაკის რაიონში სოფელ შხეფში დღეს განმეორებითი საპროტესტო აქცია გაიმართა. სენაკის ამბოხებული მოსახლეობა მსხვიფეხა საქონელის გახშირებულ ქურდობას აპროტესტებს.

როგორც სენაკელებმა „ნიუპოსტის“ ადგილობრივ ჟურნალისტს განუცხადეს, ბოლო 1 თვის განმავლობაში სოფელ ეკსა და შხეფში საქონლის ქურდობის 17-მდე შემთხვევა დაფიქსირდა.

„წელიწადზე მეტია ყოველ მეორე ღამეს მსგავსი ფაქტი ხდება. მიუხედავად იმისა რომ თითოელ ფაქტზე საქმე აღძრულია და გამოძიება მიმდინარეობს, მსხვილფეხა საქონლის მოპარვის ფაქტები მაინც გახშირდა, პოლიციას კი ამ ხნის განმავლობაში ეჭვმიტანილიც არ ყავს“.

სოფელ ეკისა და შხეფის მოსახლეობამ, რომელთა შემოსავლის ძირითადი წყარო მესაქონლეობაა ქურდობის აღკვეთისა და სამართალდამცველთა ყურადღების მიქცევის მიზნით, მსგავსი აქცია გასულ კვირას უკვე გამართეს, თუმცა შედეგად იმავე ღამეს საქონლის ქურდობის კიდევ 5 შემთხვევა მიიღეს. სენაკის რაიონის მაცხოვრებლები, სამართალდამცველებს გულგრილობაში და ზეწოლაში ადანაშაულებენ.

როგორც ადგილობრივ პოლიციაში განმარტავენ საქონლის ქურდობის ფაქტებზე გამოძიება მიმდინარეობს, თუმცა ეჭვმიტანილი ამ დრომდე არ გამოკვეთილა.