,,ჩვენი აქ ყოფნა დასტურია იმ ავტორიტეტისა, რომელიც საქართველოს ეკლესიას მსოფლიოში აქვს’’

საზოგადოება - 22:09, 12 Jan, 2013

403

- ამასთან დაკავშირებით საქართველოში ვიზიტით მყოფმა კონსტანტინოპოლისა და მსოფლიო პატრიარქმა ბართლომეოს პირველმა კათოლიკოს-პატრიარქს საიუბილეო თარიღებთან დაკავშირებით საქართველოს პარლამენტში მიღებაზე განაცხადა,

კონსტანტინოპოლის პატრიარქის თქმით, მსოფლიოს საპატრიარქოს დელეგაციის საქართველოში ყოფნა დასტურია იმ ავტორიტეტისა, რომელიც საქართველოს ეკლესიას მსოფლიოში აქვს.

,,მოხარული ვარ, რომ საქართველოში ვიმყოფები და მონაწილეობას ვიღებ სრულიად საქართველოს კათოლიკოს-პატრიარქის აღსაყდრებიდან 35-ე და დაბადებიდან 80 წლის იუბილეში. მოხარული ვარ, რომ ასევე ვიმყოფები ქართველი ხალხის გამორჩეულ წარმომადგენლებთან ერთად. ქართველი ხალხი არის ერთ-ერთი უძველესი ქრისტიანული ერი, რომელმაც სარწმუნოება და ტრადიცია შეინარჩუნა. ასევე, შეინარჩუნა მჭიდრო და სიყვარულით სავსე ურთიერთობა სხვა მართლმადიდებელ ეკლესიებთან, მათ შორის კონსტანტინოპოლის ეკლესიებთან, რომელთანაც ურთიერთობა მას ჯერ კიდევ ბიზანტიის პერიოდიდან აკავშირებს. მსოფლიოს საპატრიარქო განსაკუთრებული პატივისცემითაა განმსჭვალული საქართველოს პატრიარქისა და საქართველოს ეკლესიის მიმართ, რადგან თქვენ დიდი როლი შეიტანეთ მართლმადიდებლობის განმტკიცებაში", - აღნიშნა ბართლომეოს პირველმა.