პროკურატურის კვლევის თანახმად, ოჯახური ძალადობის შემთხვევები ყველაზე ხშირად სახლში 18:00-დან 00:00 საათის პერიოდში ხდება.

როგორც ჟურნალისტებთან საუბრისას პროკურორმა ნათია მეზვრიშვილმა განაცხადა, შემთხვევების დროს იარაღად გამოყენებულია ფიზიკური ძალადობა, ხოლო ცივი და ცეცხლსასროლი იარაღის გამოყენება ნაკლებად ხდება.

მისი თქმით, სამართალდამცველებს ოჯახურ ძალადობასთან დაკავშირებით ყველაზე ხშირად აჭარის რეგიონში მიმართავენ.

„ძირითად პრობლემად გამოიკვეთა ის, რომ მოძალადეები არიან უმუშევრები, ეს ადამიანები დანაშაულს 18:00-დან 00:00 საათამდე ჩადიან, როდესაც ისინი სახლში იმყოფებიან. ყველაზე ხშირად ოჯახური დანაშაულის ჩადენის ადგილი არის სახლი, სადაც წესით ადამიანი რელაქსაციას უნდა განიცდიდეს. მოვუწოდებთ, - არასამთავრობო ორგანიზაციებს, სახელმწიფო ფონდების წარმომადგენლებს, სამეცნიერო წრეებს, რომ ამ მიმართულებით ჩაერთონ საზოგადოების ცნობიერები ამაღლებაში. იმ ადამიანებს, ვინც ძალადობის მსხვერპლია უნდა ვუთხრათ, რომ რაც შეიძლება ხშირად მიმართონ სამართალდამცველ ორგანოებს, რათა ეფექტური გამოძიება ჩატარდეს“, - განაცხადა მეზვრიშვილმა.