მთავარი პროკურორი გიორგი ბადაშვილი მიიჩნევს, რომ ოჯახურ ძალადობასთან დაკავშირებით საზოგადოების ინფორმირება აუცილებელია.

ამის შესახებ ბადაშვილმა პროკურატურის ორგანიზებით ჩატარებული კონფერენციის დასრულების შემდეგ განაცხადა.

მისი თქმით, პროკურატურამ ოჯახურ დანაშაულთან ბრძოლის კვირეული განახორციელა, უპრეცედენტო ანალიზი ჩაატარა და ძალადობის სხვადასხვა ფაქტი განიხილა.

„ხშირ შემთხვევაში დანაშაული ოჯახში იმალება იმიტომ, რომ ქართული მენტალური დამოკიდებულებიდან გამომდინარე, ხშირად თვლიან, რომ ეს პრობლემა ოჯახის ფარგლებში უნდა გადაწყდეს, რაც ჩემი აზრით მცდარი ინფორმაციაა. უნდა მოხდეს სამართალდამცველი ორგანოების ინფორმირება“, - განაცხადა ბადაშვილმა.