კათოლიკოს-პატრიარქის საიუბილეო თარიღებთან დაკავშირებით, საქართველოს საპატრიარქოში უკრაინის მართლმადიდებელი ეკლესიის დელეგაცია და უკრაინის ელჩი საქართველოში ვასილ სიბენკო იმყოფებოდნენ.

საქართველოს პატრიარქს უკრაინის მართლმადიდებელი ეკლესიის მთავარეპისკოპოსმა ალექსანდრე დრაბინკომ პატრიარქს დიდი სიყვარულის ნიშნად ანტონ და ფიოდორ პეჩორელების სახელობის უკრაინის მართლმადიდებელი ეკლესიის ორდენი გადასცა.

უკრაინის ელჩმა საქართველოში ვასილ ციბენკომ მის უწმინდესობას პირადად გადასცა უკრაინის პრეზიდენტის ჯილდო, პირველი ხარისხის ორდენი.

უკრაინის პრეზიდენტის ვიქტორ იანუკოვიჩის განკარგულებით, სრულიად საქართველოს კათოლიკოს-პატრიარქს პირველი ხარისხის ორდენი საქართველო-უკრაინას შორის სულიერი და კულტურული კავშირების გაღრმავებასთან დაკავშირებით გადაეცა''-განაცხადა უკრაინის ელჩმა ვასილ ციბენკომ.