სამართალდამცველებმა ჯორჯიის შტატში 4 წლის წინ დაკარგულ ბავშვს მიაგნეს. 13 წლის ბიჭს მამა საკუთარ სახლში, კედლის უკან განთავსებულ საიდუმლო ოთახში მალავდა.

როგორც მოგვიანებით გაირკვა, ბავშვმა თავად მოახერხა დედის ნომრის გაგება და მასთან დაკავშირება. თუმცა, თავდაპირველად ადგილზე მისულმა სამართალდამცველებმა სახლში ბიჭი ვერ იპოვეს.

მოგვიანებით, პოლიციამ ბინაში ჩხრეკა ჩაატარა და ფარულ გასასვლელს მიაგნო. სამართალდამცველებმა მამა და მის ოჯახში მცხოვრები ყველა პირი დააკავეს.