სასტუმრო "ქორთიარდ მარიოტში" გამართულ შეხვედრაზე სამინისტროს  სისტემის განვითარების სტრატეგიის გეგმის პრეზენტაციის შემდეგ შეხვედრა კითხვა-პასუხის რეჟიმში გაგრძელდა.

ღარიბაშვილმა სტუდენტებს სამინისტროში დასაქმება შესთავაზა. თუ სტუდენტები შესაბამის ინტერესს გამოთქვამენ, ღარიბაშვილის განცხადებით ის თავად უზრუნველყოფს  სტუდენტების დასაქმების საკითხს.

მინისტრის განცხადებით, სწორედ ახალგაზრდები უნდა გახდნენ იმის გარანტი, რომ ზოგადად ქვეყანა და თუნდაც, სამართალდამცველი სტრუქტურები გაჯანსაღდეს.

ახალგაზრდების შეკითხვები ეხებოდა ამნისტიის კანონთან დაკავშირებით მინისტრის პოზიციას, სამინისტროს რესტრუქტურიზაციის პროცესს, კიბერდანაშაულთან, ქურდულ მენტალიტეტთან და "მოსმენების ინსტიტუტთან" ბრძოლას და სხვა.