იმის გათვალისწინებით, რომ განსხვავებული მეგობრები არსებობენ, შევეცდებით რაიმე საინტერესო გირჩიოთ.

თუკი თქვენი მეგობარი პროგრამისტია, მას დიდად გაახარებთ თუკი საახალწლოდ უკანასკნელი კონფიგურაციის კომპიუტერს აჩუქებთ. მაგრამ თუკი თქვენი ბიუჯეტი ამას ვერ გაწვდება, შეგიძლიათ მას კლავიატურისთვის განკუთვნილი მტვერსასრუტი ან ვებ-კამერა აჩუქოთ. თუკი თქვენ ფული საერთოდ არ გაქვთ, აჩუქეთ მეგობარს კაქტუსი, ეს მას გაამხიარულებს მაინც.

თუკი თქვენი მეგობარი როკ-მუსიკოსია შეგიძლიათ მას კარგი დასარტყამი ჯოხები აჩუქოთ.

იმ შემთხვევაში თუ თქვენი მეგობარი კლერკია იმაზე მარტივი არაფერია, რომ მას ფანქრების ნაკრები, ახალი კლავიატურა ან მაგიდის სანათი აჩუქოთ.

თუ თქვენ გსურთ საჩუქარი თქვენს უფროსსაც გაუკეთოთ, მისთვის კარგი კალმის ჩუქება შეგიძლიათ, რომელსაც უკან ლაზერი ექნება. თუკი უფროსთან უშუალო დამოკიდებულება გაქვთ, სავარაუდოდ მას ძალიან გაახარებს ჩარჩოში ჩასმული თავისი კარიკატურის ხილვა.

თუ თქვენი მეგობარი გატაცებულია ნადირობით, შეგიძლიათ მას სანადირო დანა ან ნანადირევისთვის განკუთვნილი ტომარა აჩუქოთ.

და რა უნდა ვაჩუქოთ ახალ წელს საყვარელ ადამიანს? ალბათ, ის, რისი დანახვა მას გაახარებს.

ყველა დროში საუკეთესო საჩუქრად ითვლება წიგნი, განსაკუთრებით მაშინ თუკი შიგნით სანიშნის ნაცვლად ფულიცაა ჩადებული. ქალბატონებს განსაკუთრებით სიამოვნებთ ყვავილების, სუნამოს ან ლამაზი სამკაულის მიღება.