უმჯობესია, ექიმთან ვიზიტი დილის საათებში დაგეგმოთ, როცა მათ მაქსიმალურად სუფთა ხელები აქვთ, - გირჩევენ ამერიკელი მკვლევარები პენსილვანიის უნივერსიტეტიდან და დასძენენ, რომ ეს მნიშვნელოვნად ამცირებს საშიში ინფექციების გადაცემის რისკს. სწავლულებმა ამერიკულ საავადამყოფოებში ასობით სამედიცინო მუშაკის მიერ ჰიგიენის წესების დაცვა შეისწავლეს და აღმოჩნდა, რომ რაც უფრო დიდხანს გრძელდება ექიმის სამუშაო დღე, მით ნაკლებად იბანს ის ხელებს.

მკვლევარების თქმით, სწორედ ექიმებისა და მედდების დაუბანელი ხელი იწვევს უამრავი ინფექციის გადაცემას, მათ შორის ისეთისაც, რომელიც ძნელად ექვემდებარება ანტიბიოტიკურ მკურნალობას. მკვლევარებმა სამი წლის განმავლობაში 4 157 მედმუშაკზე მოაგროვეს ინფორმაცია ხელების დაბანაზე აშშ-ს 35 ჰოსპიტალში. აშშ-ში დღეს არსებული პროტოკოლი ითხოვს, ექიმმა პაციენტების პალატიდან გასვლისთანავე დაიბანოს ხელი და ისე შევიდეს სხვა პალატაში. სწავლულებმა დაადგინეს, რომ ამ წესებს ექიმები იცავენ მხოლოდ სამუშაო დღის დასაწყისში.

წყარო: გაზეთი "ვერსია"