სანდრო გირგვლიანის ოჯახის წევრები მიხეილ სააკაშვილის გარდა თაკო სალაყაიას და ყოფილი ხელისუფლების მაღალჩინოსნების დასჯასაც ითხოვენ.

ამის შესახებ სანდრო გირგვლიანის ბიძამ გიორგი ენუქიძემ განაცხადა.

„ვფიქრობ, რომ მიხეილ სააკაშვილისთვის ეს სასჯელი ადეკვატურია. ყველამ კარგად იცის ის, რომ სააკაშვილი მართავდა ამ ქვეყანას და მისი მმართველობის ფორმა გულისხმობდა იმას, რომ ყველგან ყოფილიყო მისი წვლილი და ყველა საქმის შესახებ საქმის კურსში იყო. მან აბსულუტურად ზედმიწევნით იცოდა ეს საქმეც. ველოდებით, რომ ამ საქმეში თაკო სალაყაია და სხვა პირებიც დაისჯებიან“, - განაცხადა ენუქიძემ.

დღეს პროკურატურამ, მიხეილ სააკაშვილს, ბრალი სანდრო გირგვლიანის საქმეზეც წაუყენა. ამავე საქმეზე გამამტყუნებელი განაჩენი უკვე დადგა ვანო მერაბიშვილის და ბაჩო ახალაიას მიმართ, ხოლო დათა ახალაის ბრალეულობას სასამართლო განიხილავს.