უკვე დანამდვილებითაა ცნობილი, რომ ორი ამერიკული ინდაური, კონკრეტულად კი მაკი და ჩიზი მადლიერების დღისადმი მიძღვნილ სადღესასწაულო მაგიდაზე არ მოხვდებიან. ისინი ამერიკის პრეზიდენტმა შეიწყალა.

ტრადიციული რიტუალი წელს განსხვავებულ გარემოში შედგა. ადრე პრეზიდენტი ამ ცერემონიას ვარდების ბაღში ატარებდა, თუმცა დიდთოვლობისა და სიცივის გამო, წელს ეს რიტუალი თეთრი სახლის ერთ-ერთ დარბაზში გაიმართა.

ობამა ინდაურის შეწყალების ცერემონიალზე ქალიშვილებთან - საშასთან და მალიასთან ერთად მივიდა. ამერიკის პრეზიდენტები ამ ტრადიციას 1800 წლიდან იცავენ.