ყოფილი ევროკომისარი უკრაინის კრიზისის გამო პასუხისმგებლობის წილს გერმანიის ხელისუფლებასაც აკისრებს.

„შპიგელთან“ ინტერვიუში შტეფან ფულე ამბობს, რომ უკრაინასა და ევროკავშირს შორის ასოცირების ხელშეკრულების ხელმოწერა ერთი წლის წინ მხოლოდ რუსეთის პრეზიდენტის ზეწოლის შედეგად არ ჩაშლილა.

მისივე თქმით, მიზეზი გახდა ევროპული ქვეყნების, მათ შორის გერმანიის მერყევი პოზიციაც, რომელმაც უკრაინისთვის ევროკავშირში შესვლის პერსპექტივის გახსნაზე უარი თქვა.

„არ შეიძლება უკრაინას, საქართველოსა და მოლდოვას განუცხადო, რომ, ერთი მხრივ, რუსეთის საბაჟო კავშირში შესვლა ევროკავშირთან ასოცირებასთან შეუთავსებელია, მეორე მხრივ კი მათ ევროკავშირში გაწევრიანების შესაძლებლობა შეუზღუდო“, - ამბობს შტეფან ფულე.