საპატრულო პოლიციის დეპარტამენტის ხელმძღვანელის დავით ცინარიძის თქმით, პატრულის წარმატებული მუშაობა მინისტრის თანადგომის შედეგია.

ამის შესახებ ცინარიძემ პატრულის დაარსებიდან ათი წლის იუბილესთან დაკავშირებით გამართულ ღონისძიებაზე განაცხადა.

მისი თქმით, ბოლო 2 წელიწადში გატარებულმა რეფორმებმა და ინოვაციებმა საპატრულო პოლიციის საქმიანობა უფრო სრულყოფილი და ეფეტური გახადა.

„საპატრულო პოლიციის დეპარტამენტის მუდმივი განვითარება და სიახლეების სწრაფვა ჩვენი მინისტრის, ალექსანდრე ჭიკაიძისა და შსს-ს თანადგომის შედეგია. მინისტრის მუდმივი თანადგომის შედეგია ჩვენი წარმატებული მუშაობაც. ბოლო 2 წლის მანძილზე მოხდა ფუნდამენტური რეფორმირება, დაინერგა უახლესი ტექნოლოგიები, აშენდა პოლიციისთვის შესაფერისი ახალი, თანამედროვე შენობები. შენდება ახალი გამტარი სასაზღვრო- გამშვები პუნქტები, განხორციელდა სხვადასხვა ახალი ინფრასტრუქტურული პროექტი, განახლდა საპატრულო პოლიციის ავტოპარკი და პოლიციელი მთლიანად აღიჭურვა ყველა საჭირო სპეციალური თანამედროვე საშუალებებით. ეს ყოველივე კიდევ ერთი წინაპირობაა იმისა, რომ საპატრულო პოლიციამ სრულყოფილად და ხარისხიანად დაიცვას ჩვენი მოქალაქეების და არა მარტო ჩვენი მოქალაქეების უსაფრთხოებადა ინტერესები“, - განაცხადა ცინარიძემ.