გერმანიის კანცლერი რუსეთის წინააღმდეგ სანქციების დაწესებას აუცილებლად მიიჩნევს. ანგელა მერკელის თქმით ოფიციალური მოსკოვის წინააღმდეგ შეზღუდვების შემოღება მანამდე იქნება საჭირო, ვიდრე უკრაინის კრიზისის მოგვარებაში რუსეთის წვლილი მნიშვნელოვანი არ გახდება.

"სანქციები გარდაუვალია მანამ, სანამ რუსეთი რამეს იღონებს უკრაინის კრიზისის დასაძლევად“, - ეს განცხადება ანგელა მერკელმა „ევროპული საოჯახო ბიზნესის“ კონგრესზე გააკეთა.

მიუხედავად იმისა, რომ სანქციები გერმანიის ეკონომიკასაც აყენებს ზიანს, მერკელის შეფასებით, მათზე უარის თქმა ჯერ ძალიან ნაადრევია.