რუსეთი საფრანგეთს „მისტრალის“ გადაცემაზე უარის გამო სასამართლოთი ემუქრება.

რუსეთის თავდაცვის მინისტრის მოადგილის იური ბორისოვის განცხადებით, რუსეთი კონტრაქტის პირობების მიხედვით იმოქმედებს და ვერტმფრენმზიდ „მისტრალის“ არგადაცემის შემთხვევაში სასამართლოს საფრანგეთზე საჯარიმო სანქციების დაწესების მოთხოვნით მიმართავს.

შეგახსენებთ, რომ გუშინ საფრანგეთის პრეზიდენტმა ფრანსუა ოლანდმა რუსეთისთვის „მისტრალის“ გადაცემის შეჩერების გადაწყვეტილება მიიღო. გადაწყვეტილების მიზეზად უკრაინაში არსებული სიტუაცია დასახელდა. ინფორმაციას ამის შესახებ ელისეის სასახლე ავრცელებს.

„პრეზიდენტი ოლანდი მიიჩნევს, რომ რუსეთისთვის „მისტრალის“ მიწოდების საშუალებას უკრაინაში შექმნილი ვითარება არ იძლევა.“- ნათქვამია ტვიტერზე გავრცელებულ ელისეის სასახლის განცხადებაში.