საქართველოს ექსპრეზიდენტის მიხეილ სააკაშვილის პირადი ოპერატორის თამაზ შავშიშვილის დაკითხვა ცოტა ხნის წინ დასრულდა. როგორც „ნიუპოსტს“ ადვოკატმა ოთო კახიძემ განუცხადა, საგამოძიებო უწყებას აინტერესებდა სად ინახებოდა 2008 წლის აგვისტოს პერიოდში მიხეილ სააკაშვილის შეხვედრების და მიმართვების ამსახველი ვიდეოარქვივი.

„დაკითხვა შეეხებოდა 2008 წლის აგვისტოში პრეზიდენტის საჯარო მიმართვების და გამართული შეხვედრების ვიდეოგადღებას. აინტერესებდათ სად ინახება არქივი. თუმცა ოპერატორის უფლებამოვალეობებში არქივაცია არ შედიოდა. ის მხოლოდ გადაღებებს აწარმოებდა“, - განაცხადა კახიძემ.

როგორც ცნობილია, მიხეილ სააკაშვილის პირადი ოპერატორი პროკურატურაში პირად ოპერატორს გენოციდის და საერთაშორისო სამართლის ნორმების დარღვევის საქმეზე დაიბარეს. ადვოკატის განარტებით, საქმე ეხება 2008 წლის რუსეთ-საქართველოს ომის პერიოდს.