2004 წელს ხალხი მაიდანზე საკუთარი უფლებებისა და თავისუფლების დასაცავად გავიდა, რომლებიც საპრეზიდენტო არჩევნების მასშტაბური გაყალბებით უკმაყოფილონი იყვნენ.

დღეს „ნარინჯისფერი რევოლუციიდან“ 10 წელი გავიდა.

2004 წლის 21 ნოემბერს, არჩევნების მეორე ტური ჩატარდა, რომლის ფარგლებშიც, ამომრჩევლებს არჩევანი უნდა გაეკეთებინათ მოქმედ პრემიერმინისტრ ვიქტორ იანუკოვიჩსა და ოპოზიციის კანდიდატ ვიქტორ იუშენკოს შორის.

წინასწარი ოფიციალური შედეგების გამოქვეყნების შემდეგ, რომლის მიხედვითაც ხმების 3 პროცენტით მეტი რაოდენობით იანუკოვიჩმა გაიმარჯვა, ნათელი გახდა, რომ მონაცემები ეგზიტპოლებს არ ემთხვევა. იუშენკოს მომხრეები და საერთაშორისო დამკვირვებლების უმრავლესობა მიიჩნევდნენ, რომ იანუკოვიჩის გუნდმა არჩევნები გააყალბა.

მეორე ტურის მეორე დღეს, ასობით ათასი ადამიანი კიევის ქუჩებში გავიდა, მათ უკრაინის სხვა ქალაქებიც შეუერთდნენ. დაიწყო პროტესტი მასობრივი გაყალბების წინააღმდეგ.

საკუთარი დემოკრატიული უფლებების დასაცავად, კიევში მთელი უკრაინიდან ასობით ათასი ადამიანი ჩავიდა.

რევოლუციის რეზულტატი განმეორებითი მეორე ტურის ჩატარება იყო. უმაღლესი რადა კომპრომისზე წავიდა და განმეორებითი მეორე ტურის დანიშვნის შემდეგ, საკონსტიტუციო ცვლილებების შესახებ განაცხადა, რასაც 2004 წლის საკონსტიტუციო რეფორმას უწოდებდნენ. რეფორმამ პრეზიდენტის უფლებამოსილებები შეამცირა, ასეთი გზით საპრეზიდენტო არჩევნების დანიშნულებაც შეკვეცა.

განმეორებითი მეორე ტურის შედეგად გამარჯვება ვიქტორ იუშენკომ მოიპოვა.

არაოფიციალური მონაცემებით, საპროტესტო აქციებში მონაწილეობა 3-დან 7 მილიონამდე ადამიანმა მიიღო.

2004 წლის 21 ნოემბერს, ქვეყანა რევოლუციის ზღვარზე იდგა. 2011 წლამდე, 2004 წლის რევოლუციის დაწყების დღე აღინიშნებოდა, როგორც თავისუფლების დღე.

დღესასწაული დამტკიცდა 2005 წელს პრეზიდენტ იუშენკოს ბრძანებით და ყოველწლიურად 22 ნოემბერს აღინიშნებოდა.