ნიუ იორკის შტატში დიდთოვლობის შედეგად დაღუპულთა რიცხვი რვამდე გაიზარდა. სტიქიის გამო ათ რაიონში საგანგებო მდგომარეობაა გამოცხადებული.

სტიქიამ ყველაზე მეტად ბუფალო დააზარალა, სადაც თოვლის საფარის სიმაღლე თითქმის ორ მეტრს აღწევს. რეკორდული დიდთოვლობის გამო, ქალაქში დახურულია სკოლები და მაგისტრალები. შეფერხებულია სარკინიგზო და ავიამიმოსვლაც.

მეტეოროლოგები, შემდგომ დღეებში, ამინდის გაუარესებას, შეერთებული შტატების მთელ ტერიტორიაზე ვარაუდობენ. ჰაერის ტემპერატურა ნულს ქვემოთ, ქვეყნის ყველა რეგიონში დაეცემა.