ამერიკის შეერთებული შტატების ყოფილი პრეზიდენტი ჯორჯ ბუში ამერიკული ტელეკომპანიისთვის მიცემულ ინტერვიუში, აშშ-სა და რუსეთის ურთიერთობებზე საუბრობს.

ჯოჯრ ბუში მიიჩნევს, რომ ვლადიმერ პუტინის დასამარცხებლად მთელი მსოფლიოს გაერთიანებაა საჭირო. მან ასევე მისი პრეზიდენტობის პერიოდიც გაიხსენა.

იგი მიიჩნევს, რომ სწორედ მისი პრეზიდენტობის დროს შემოიღო პუტინმა არსებული თამაშის წესები, რომლის მიხედვითაც, ერთი პოლიტიკოსის გამარჯვება, აუცილებლად ნიშნავს მეორე პოლიტიკოსის დამარცხებას.

„იმისთვის, რომ პუტინს გავუმკვლავდეთ საჭიროა მთელმა მსოფლიომ ერთად იმოქმედოს“, - აცხადებს ჯორჯ ბუში.

იგი ასევე იხსენებს, რომ პრეზიდენტობის პირველ წლებში ვლადიმერ პუტინთან კარგი ურთიერთობა ჰქონდა, თუმცა შემდეგ ნავთობის ფასი გაიზარდა და პუტინმა მისი თავისუფლება და დამოუკიდებლობა შეიგრძნო, რის შემდეგაც რუსეთის პრეზიდენტმა საბჭოთა კავშირის აღდგენისთვის ენერგეტიკის გამოყენება დაიწყო.