ჩვენ მკაცრად უნდა შევეწინააღმდეგოთ პუტინის „ველურ ამბიციებს“

ჩვენ მკაცრად უნდა შევეწინააღმდეგოთ პუტინის „ველურ ამბიციებს“ - სენატორი მაკკეინი

მსოფლიო - 13:31, 20 Nov, 2014

1758

აშშ-ს სენატორი ჯონ მაკკეინი გამოდის მოწოდებით, რომ მკაცრად შეეწინააღმდეგონ ვლადიმერ პუტინის „ველურ ამბიციებს“ რუსეთის იმპერიის აღდგენასთან დაკავშირებით და უკრაინას ნამდვილი დახმარება აღმოუჩინონ.

„მეორე მსოფლიო ომის დამთავრების შემდეგ ჩვენ პირველად ვხდებით მოწმე, როგორ აქუცმაცებენ ევროპულ ქვეყანას ნაწილებად. და რა პასუხი აქვს ამაზე ამერიკას? როდესაც მე ვესაუბრები ჩემს ამომრჩევლებს არიზონაში, რომ ჩვენ იარაღს და დაზვერვის მონაცემებსაც კი არ ვაწვდით უკრაინის მხარეს, ისინი შოკირებულები არიან.

იმ პროპაგანდის ზვავს რომელიც რუსეთის მხრიდან მიედინება მის მეზობელ ქვეყნებში და რომელიც ამ ქვეყნების რუსულენოვანი მოსახლეობაზეა გათვლილი ჩვენ საპასუხოდ ვერაფერს ვახვედრებთ.

რა ფასს იხდის პუტინი თავის საქციელისთვის? სანქციები? სხვათა შორის, მან ჩემს მიმართაც დააწესა სანქციები, მისგან დაწესებულ სანქციას მე ღირსების მედლად ვთვლი, მე ეს სანქცია არიზონაში არ მაწუხებს.

ის ფასი, რომელსაც პუტინი იხდის თავისი ქმედებებისთვის მის მეზობელ ქვეყნებში ნერვულ რეაქციებს იწვევს, ისინი კითხულობენ- სად გაჩერდება პუტინი?

გულახდილად რომ ვთქვათ სანამ ჩვენი ევროპელი პარტნიორები რუსულ გაზზე არიან დამოკიდებულნი, ისინი ვერაფერს გააკეთებენ და პუტინმა ეს იცის.“ - აღნიშნა მაკკეინმა.

მაკკეინმა იმ ნაბიჯების შესახებაც ისაუბრა, რომელიც მისი აზრით აშშ-მ უნდა გადადგას.

„რა უნდა გავაკეთოთ ჩვენ? ჩვენ არ უნდა ჩავერთოთ მესამე მსოფლიო ომში, ჩვენ არც“ ცივი ომი“ უნდა დავიწყოთ. ჩვენ უნდა დავიცვათ ნატოს პრინციპები და გავაკეთოთ ყველაფერი შესაძლებელი, რომ დავეხმაროთ უკრაინელებს, რომლებსაც აღარ უნდათ მოსკოვის ორბიტაზე ყოფნა და სურთ გახდნენ ევროპის ნაწილი.

ჩვენ მათ აუცილებლად უნდა დავეხმაროთ და არა მხოლოდ იარაღით, ჩვენ უნდა ვილაპარაკოთ უკრაინის სახელითაც, როგორც ადრე პრეზიდენტმა რეიგანმა დაიცვა ჩეხი ხალხი და ილაპარაკა ვაცლავ ჰაველის სახელით“- განაცხადა სენატორმა ჯონ მაკკეინმა.