ეუთო-ს დამკვირვებლების განცხადებით, მიმდინარე კვირის განმავლობაში რუსეთ-უკრაინის საზღვარზე ათასობით ფორმიანი პირის გადასვლა დააფიქსირეს. ისინი 12 ნოემბრიდან კაზაკების ჯგუფების მიერ საზღვრის გადაკვეთაზეც საუბრობენ. პარალელურად, რუსეთის დუმამ მიიღო გადაწყვეტილება ყირიმში თავისუფალი ეკონომიკური ზონის შექმნის შესახებ.

რუსეთი არჩევანის წინაშე ნატო-ს გენერალურმა მდივანმაც დააყენა. იენს სტოლტენბერგის განცხადებით, მოსკოვი ან სამშვიდობო გზით უნდა წავიდეს ან სრული იზოლაციის გზით.