საქართველოს ექს-პრეზიდენტის მიხეილ სააკაშვილის წინააღმდეგ ყველა სასამართლო გადაიდო. ამის შესახებ „ნიუპოსტს“ სააკაშვილის ადვოკატმა ოთო კახიძემ განუცხადა. მის განმარტებით აღნიშნული შუამდგომლობა პროკურატურამ დააყენა.

„მათი მოტივი ამ შუამდგომლობისთვის იყო ის, რომ მათ მტკიცებულებებისთვის მეტი ვადა სჭირდებათ“, - განაცხადა ოთო კახიძემ.

როგორც ცნობილია, ყველა საქმეზე საგამოძიებო ვადა 2015 წლის იანვრამდე გაიზარდა. მიხეილ სააკაშვილს სხვა ბრალი წარდგენილი აქვს 7 ნოემბრის აქციის, სახელმწიფო დაცვის სამსახურის მეშვეობით თანხების არამიზნობრივად ხარჯვის და ვალერი გელაშვილის ცემის საქმეებზე.