ემზარ კვიციანის ადვოკატმა რეზო კახნიაურმა სასამართლოს განაჩენთან დაკავშირებით დღეს გამართულ პრესკონფერენციაზე ილაპარაკა.

ადვოკატის განცხადებით მისი დაცვის ქვეშ მყოფ ემზარ კვიციანს პროკურატურამ დარბაზიდან გათავისუფლების პირობით, საპროცესო შეთანხმების გაფორმება შესთავაზა, რაზეც ბრალდებულმა უარი თქვა.

„სასამართლო პროცესზე ემზარ კვიციანს არ დაუდასტურდა ის ბრალდებები, რომელიც მას წაყენებული ჰქონდა და ყველა არგუმენტაცია იყო მის სასარგებლოდ. პროკურორმა ჩვენ შემოგვთავაზა, რომ შეგვიძლია მას გავუფორმოთ საპროცესო შეთანხმება და გავუშვათ დარბაზიდან. მხოლოდ ამისთვის საჭიროა, რომ მან აღიაროს დანაშაული და თქვას, რომ არ იყო მართალი. ემზარ კვიციანმა ამაზე რა თქმა უნდა უარი თქვა“, - განაცხადა ადვოკატმა.