ლელა წურწუმია ტყუილს და ფალსიფიკაციას უწოდებს ინფორმაციაში მოყვანილ მის ციტატასაც და აღნიშნავს, რომ ფრაზა “საქართველოში ადგილი ვერ ვიპოვე“ მას არცერთ საინფორმაციო საშუალებასთან არ უთქვამს.
„ საიდან მოვიდა ეს ინფორმაცია, ნამდვილად არ ვიცი, თუმცა ძალიან მეცინება ამაზე, იმიტომ, რომ აზრადაც არ მომსვლია ჩემი ქვეყნის დატოვება. როდესაც ქვეყანა ინგრეოდა და მართლა საშინელ დროში ვცხოვრობდით, თუნდაც 90-იან წლებში, მაშინ არ მიფიქრია ქვეყნიდან წასვლა და დღეს მითუმეტეს ამის აუცილებლობას ნამდვილად ვერ ვხედავ. ვერც იმას ვერ ვიტყვი, რომ მე ჩემს ქვეყანაში ადგილი ვერ ვიპოვე, ან არ დამიფასდა ჩემი შრომა. ყველაზე ცუდი ის არის. მე არავინ დამკავშირებია. აქედან გამომდინარე ინფორმაცია, რომელიც გავრცელდა, აბსოლუტური სიცრუე“. -აცხადებს ლელა წურწუმია.